Илмли аёл-жамият кўзгуси

 XХI аср аёли - билимли, зиёли, ижтимоий-сиёсий фаол, оилада ҳам жамиятда ҳам ўз ўрни ва мавқеига эга бўлган, юксак маънавиятли- маърифатли аёлдир.
Ҳазорасп туманида “Илмли аёл-жамият кўзгуси” мавзусида ташкил этилган ҳафталик доирасида  зиёли аёллар иштирокида тадбир бўлиб ўтди.
Тадбирда сўзга чиққанлар илм-фан, таълим, санъат, журналистика, маданият ва бошқа соҳаларда ютуқларга эришган аёллар, юксак давлат мукофотлари билан тақдирланган, халқаро кўрик-танловлар, олимпиадалар ғолиб ва совриндорлари бўлган, иқтидорли қизлар, олима аёллар ҳақида гапириб ўтдилар. 
Давлат ва жамият бошқарувида фаол хотин-қизлар, олималар, олий таълим муассасалари хотин-қизлар Кенгаши аъзолари мамлакатимизда хотин-қизларга яратилган кенг имкониятлар уларнинг кундалик ҳаётида ўзининг самарали таъсири ва натижадорлиги хусусида фикрлашдилар. 
Мазкур тадбир ўқувчи ёшларда ўзгача таассуротлар қолдириб, уларнинг илмга бўлган қизиқишларини янада ортишига замин яратди.
Тадбирни туман ҳокими ўринбосари, Оила ва хотин-қизлар бўлим бошлиғи, партия фаоли  М.Нуруллаева олиб борди.